بلوچستان میں پیپلز پارٹی کو یونین کونسل کی سطح پر فعال اور منظم بنایا جائے گا، میرچنگیزجمالی

کوئٹہ(گرین گوادر نیوز)پاکستان پیپلزپارٹی بلوچستان کے صدر میرچنگیز خان جمالی،جنرل سیکرٹری روزی خان کاکڑ، سیکرٹری اطلاعات سردارسربلند جوگیزئی نے کہا ہے کہ عمران خان آئی ایم ایف کے ایجنڈا پر چل رہے ہیں، عمران نیازی کہتا تھا کہ جب پیٹرول کی قیمتوں میں اضافہ ہوتا ہے تو سمجھ لینا وزیراعظم چور ہے پٹرول کی قیمتوں میں رات کے اندھیرے میں اضافے کے بعد آج ملک کا سب سے بڑا چور عمران خان نیازی ہے،عوام کونا اہل حکمرانوں سے نجات دلانے کیلئے پیپلز پارٹی کے جیالے چیئرمین بلاول بھٹو زرداری کے اشارے کے منتظر ہیں،بلوچستان میں پاکستان پیپلز پارٹی کو یونین کونسل کی سطح پر فعال اور منظم کیا جائے گا اور ذیلی تنظیموں کی ازسرنوتنظیم سازی کی جائے گی۔ یہاں جاری ہونے والے ایک مشترکہ بیان میں انہوں نے کہا کہ پی ٹی آئی نے انتخابات میں آنے سے قبل 90دنوں میں کرپشن کے خاتمے کا دعویٰ کیا تھا لیکن اقتدار میں آنے کے بعد عمران نیازی چوروں اور لیٹروں کی سرپرستی میں مصروف ہے پی ٹی آئی کے دور حکومت میں کرپشن کے تمام سابقہ ریکارڈ ٹوٹ چکے ہیں۔ انہوں نے کہا کہ عمران خان اورانکی کابینہ آئی ایم ایف کے کہنے پر پٹرولیم مصنوعات، بجلی،گیس کی قیمتوں میں آئے روزاضافہ کر رہی ہے جس کی وجہ سے مہنگائی آسمان سے باتیں کر رہی ہیں اور عوام نان شبینہ کے محتاج ہوچکے ہیں۔انہوں نے کہا کہ پی ٹی آئی اوراسکی اتحادی جماعتیں عوام کو ریلیف فراہم کرنے میں بری طرح ناکام ہوچکی ہیں اور اپنی ناکامی کوچھپانے کیلئے سارا ملبہ سابقہ حکمرانوں پر ڈال رہے ہیں عوام باشعور ہوچکے ہیں انکے بہکاوے میں نہیں آئیں گے۔ انہوں نے کہا کہ عوام نا اہل عمران نیازی سے بے زار ہوچکے ہیں اوراس سے نجات چاہتے ہیں پیپلزپارٹی کے جیالے عوام کو نا اہل حکمرانوں سے نجات دلانے کیلئے چیئرمین بلاول بھٹو زرداری کی کال ا نتظار کر رہے ہیں جس دن انہوں نے کال دی جیالے عمران نیازی کو گھر بھجوا کر دم لیں گے۔ انہوں نے کہا کہ بلوچستان میں پیپلز پارٹی کو یونین کونسل کی سطح پر فعال اور منظم بنایا جائے گا اور پیپلز پارٹی کی ذیلی تنظیموں کی ازسر نو تنظیم سازی کی جائیگی۔ انہوں نے کہا کہ پیپلزپارٹی کے کارکن آئندہ عام انتخابات کی ابھی سے ہی تیاریاں شروع کردیں پارٹی انتخابات میں عوام کے ووٹوں کی طاقت سے اقتدار میں آکرملک کو بحرانوں سے نکالنے کیلئے کلیدی کرداراداکریگی