جیکب آباد،مسافروین الٹ نے کے باعث بچوں سمیت 8مسافرزخمی
جیکب آباد (گرین گوادر نیوز) جیکب آباد میں تیز رفتار مسافر وین الٹ گئی، خواتین اور بچوں سمیت 8مسافر زخمی ہوگئے۔ تفصیلات کے مطابق جیکب آباد کے مولاداد تھانہ کی حدود چنڈ شاخ کے قریب تیز رفتار مسافر وین الٹ گئی جس کے نتیجے میں خواتین اور بچوں سمیت 8افراد زخمی ہوگئے، حادثے میں زخمی ہونے والوں کو سول اسپتال منتقل کیا گیا، زخمیوں میں نور محمد، علی محمد، رب ڈنو، بابل، خالدہ اور دیگر شامل ہیں، سول اسپتال میں زخمیوں کو طبی امداد دیکر فارغ کیا گیا، پولیس کے مطابق مسافر وین تیز رفتاری میں موڑ کاٹنے کے دوران ٹائر برسٹ ہونے کی وجہ سے حادثے کا شکار ہوئی۔
