دکی، ٹریفک حادثہ 2 خواتین جاں بحق 2 افراد زخمی
دکی (گرین گوادر نیوز) بلوچستان علاقے رکھنی کے ٹرک اور گاڑی میں تصادم، 2خواتین موقع پر جاں بحق جبکہ خاتون سمیت 2افراد زخمی ہوگئے ہیں۔ اطلاعات کے مطابق رکنی کے قریب راڑہ شم کے علاقے سراٹی ٹک کے مقام پر بلوچستان اور پنجاب کو ملانے والی بین الصوبائی شاہراہ پر ٹوڈی کار اور ٹرک کے درمیان تصادم کے نتیجے میں دو خواتین مسماۃ (ز) اور مسماۃ (س) موقع پر جاں بحق جبکہ وحید نامی شخص اور اس کی بھتیجی زخمی ہوگئی جنہیں فوری طور پر ہ سپتال منتقل کردیا گیا جہاں نعشوں کو ضابطے کی کارروائی کے بعد ورثاء کے حوالے کردیا گیا جبکہ زخمیوں کو طبی امداد دی جارہی ہے، واقعہ کی اطلاع ملتے ہی پولیس نے ٹرک ڈرائیور کو گرفتار کرکے ٹرک تحویل میں لے لیا ہے اس سلسلے میں مزید تفتیش متعلقہ پولیس کررہی ہے۔
