صادق سنجرانی خصوصی طیارے کے ذریعے 2 روزہ دورے پر چاغی پہنچ گئے

چاغی (گرین گوادر نیوز) چیئرمین سینیٹ صادق سنجرانی خصوصی طیارے کے ذریعے 2 روزہ دورے پر چاغی پہنچ گئے ہیں۔تفصیلات کے مطابق دالبندین ائیرپورٹ پہنچنے پر قبائلی عمائدین، سیاسی رہنماؤں اور سرکاری افسران نے صادق سنجرانی کا استقبال کیا اور پولیس کے چاک و چوبند دستے نے چیئرمین سینیٹ صادق سنجرانی کو سلامی بھی پیش کی ہے۔

ذرائع کا کہنا ہے کہ صادق سنجرانی آج 103 کلومیٹر طویل نوکنڈی ماشکیل شاہراہ کا سنگ بنیاد رکھیں گے جبکہ وہ آج دالبندین، چاغی، نوکنڈی اور نواحی علاقے چارسر کا دورہ بھی کریں گے۔واضح رہے کہ اپنے دورے کے دوران وہ قبائلی عمائدین اور سیاسی شخصیات سے ملاقاتیں بھی کریں گے۔