ماہرہ خان کا جنسی زیادتی سے متعلق بیان پر وزیر اعظم عمران خان کو زبردست خراج تحسین

پاکستانی اداکارہ ماہرہ خان نے وزیر اعظم عمران خان کے جنسی زیادتی سے متعلق حالیہ بیان پر ردعمل دیتے ہوئے انہیں زبردست خراج تحسین پیش کیا ہے۔
ٹوئٹر پر اپنے پیغام میں خوبرو اداکارہ نے کہا کہ جنسی زیادتی سے متعلق وزیراعظم کا بیان “زوردار اور زبردست” ہے۔ انہوں نے اپنی ٹوئٹ میں ہاتھ کے ایموجیز ٹیگ کرکے وزیراعظم کا شکریہ ادا کیا ہے۔
یاد رہے کہ وزیراعظم کے تازہ بیان پر پاکستان میں ہرزاروں لوگوں نے میڈیا پران کی تعریف کی ہے۔
خیال رہے کہ گزشتہ روز امریکی نشریاتی ادارے سے گفتگو کرتے ہوئے وزیر اعظم عمران خان نے کہا تھا کہ خواتین کے ساتھ زیادتی کرنے والا مجرم ہی اپنے جرم کا اکیلا ذمہ دار ہے۔

ایک سوال کے جواب میں وزیراعظم عمران خان نے کہا کہ جنسی زیادتی سے متعلق ان کا سابقہ بیان کو جان بوجھ کرغلط لیا گیا تھا جبکہ جو شخص زیادتی کرتا ہے وہی قصور وار ہوتا ہے

وزیر اعظم عمران خان نے امریکی نشریاتی ادارے کو دیے گئے انٹرویو میں کہا تھا کہ زیادتی سے متعلق ان کے پہلے دئے گئے بیان کو سیاق وسباق سے ہٹ کر پیش کیا گیا۔
اس میں کوئی شک نہیں کہ زیادتی کرنے والا ہی قصور وار ہے اور زیادتی سے متاثرہ شخص کبھی اس کا ذمہ دار نہیں ہوتا۔
پاکستانی معاشرے سے متعلق بات ہو رہی تھی اور میں نے پردے کا لفظ استعمال کیا لیکن پردے کا مطلب صرف لباس نہیں بلکہ اسلام میں پردے کا مقصد معاشرے میں بگاڑ کو روکنا ہے۔
وزیر اعظم نےکہا تھا کہ پردہ صرف عورت کے لیے نہیں بلکہ مرد کے لیے بھی ہے۔ خواتین کے ساتھ بچوں کی اکثریت بھی جنسی جرائم کا شکار ہو رہی ہے۔