چاغی، سیلابی ریلا بازار اور رہائشی علاقے میں داخل، متعدد کچی دکانیں و مکانات مہندم
دالبندین: چاغی کے پاک افغان سرحدی علاقے برآب چاہ میں سیلابی ریلہ بازار اور رہائشی علاقے میں داخل ہونے سے متعدد کچے دکانیں اور مکانات منہدم ہوگئے تاہم کوئی جانی نقصان نہیں ہوا۔سرکاری ذرائع کے مطابق برآب چاہ اور گرد و نواح میں موسلادھار بارش سے ندی نالوں میں طغیانی آگئی جس کے بعد سیلابی ریلے نے شہر کا رخ کرلیا جس کے سبب برآب چاہ کاریز میں متعدد کچے مکانات اور دکانیں اشیا سمیت بہہ گئے۔
