انجیرہ کے قریب کار اور مزدا ٹرک میں تصادم کے نتیجے میں جاں بحق ہونے والے تین سگے بھائیوں کو سپردخاک کردیا گیا
پشین : انجیرہ کے قریب کوئٹہ کراچی قومی شاہراہ پر ٹوڈی کار اور مزدا ٹرک کے مابین تصادم کے نتیجے میں جان بحق ہونیوالے پشین کے رہائشی تین سگے بھائیوں تاج الدین، زین الدین اور انعام الدین ولد سید نورالدین کو کلی بالا حاجی زئی سیدان میں آہوں اور سسکیوں کے درمیان سپردخاک کردیا گیا جب تین بھائیوں کے جنازے ایک ساتھ علاقے میں پہنچیں تو پورے علاقے میں کہرام مچ گیا اور اس دوران سخت رقت امیز مناظر دیکھنے کو ملیں۔ تینوں بھائیوں کے نمازجنازہ میں مختلف قبائلی معتبرین، سیاسی اور سماجی رہنماوں اور علاقے کے عوام سمیت سینکڑوں آفراد نے شرکت کی، فاتحہ خوانی کلی بالا حاجی زئی میں جاری ہے۔
