لسبیلہ فائرنگ کے دو مختلف واقعات میں2 افراد جاں بحق
اوتھل: لسبیلہ میں فائرنگ کے دو مختلف واقعات میں دو افراد جاں بحق،ایدھی زرائع کے مطابق حب میں دارو ہوٹل کے قریب ڈکیتی کے دوران مزاحمت پر فائرنگ سے ایک شخص شدید زخمی ہوگیا جسے تشویش ناک حالت میں جام غلام قادر سول ہسپتال حب منتقل کیا گیا بعد ازاں مرشد ہسپتال منتقل کیا گیا جہاں دوران علاج زخموں کی تاب نہ لاتے ہوئے چل بسا ذرائع کے مطابق متوفی کی شناخت شکیل ولد مولا بخش قوم گجر عمر 28 سال سکنہ جنگی گوٹھ حب کے نام سے ہوئی جب کہ دوسرے واقعے میں لسبیلہ کے پہاڑی علاقے کنراج میں فائرنگ سے غلام نبی عرف حبی ولد ولی داد میراجی مینگل جاں بحق ہوگئے۔
