پاک سر زمین پارٹی کوکوئٹہ میں جلسے کی اجازت دے دی گئی

کوئٹہ:پاک سر زمین پارٹی کو ایوب اسٹیڈیم کوئٹہ کی پارکنگ میں جلسہ کرنے کی اجازت دے دی گئی جمعرارت کو ڈپٹی کمشنر کوئٹہ کے جاری اعلامیے کے مطابق ڈی آئی جی پولیس کوئٹہ کی سفارش پر ضلعی انتظامیہ نے پاک سرزمین پارٹی کو اسکے پانچویں یوم تاسیس کے موقع پر ایوب اسٹیڈیم کوئٹہ کے پارکنگ ایریا میں جلسہ کرنے کی اجازت دے دی ہے اجازت کو لاؤڈ اسپیکر ایکٹ، کورونا وائرس سے بچاؤ کی حفاظتی تدابیر پر عملدآمد اسلحہ کی نمائش نہ کرنے، ریاست، فرقوں اور جماعتوں کے خلاف تقاریر اور نعرے نہ لگانے، ریڈ زون میں داخل نہ ہونے، ٹریفک میں خلل نہ ڈالنے سمیت دیگر شرائط پر عملدآمد سے مشروط کیا گیا ہے جبکہ جلسے کو ایس ایس پی آپریشنز سیکورٹی مہیا کریں گے