اوتھل میں نامعلوم افراد کی فائرنگ سے ایک شخص زخمی
اوتھل: لاکھڑا کے علاقے اوبہ نمبر 2 میں فائرنگ ایک شخص زخمی ڈی ایچ کیو ہسپتال اوتھل منتقل۔تفصیلات کے مطابق پیر کی شب اوتھل سے 25 کلومیٹر دور اوبہ 2 لاکھڑا میں ملزمان باز گل ولد حضرت گل اور عین الدین ولد غلام حئی نے محمد خان ولد گل کریم سکنہ اچھڑہ پٹ لاکھڑا پر فائرنگ کردی جس کے نتیجے میں محمد خان ولد گل کریم زخمی ہوگئے۔اطلاع ملتے ہی ایس ایچ او لاکھڑا محمد رفیق سومرو پولیس پارٹی کے ہمراہ جائے وقوع پر پہنچ گئے۔اور زخمی شخص کو ڈی ایچ کیو ہسپتال اوتھل ریفر کردیا گیا۔ایس ایچ او لاکھڑا کے مطابق فائرنگ کی وجہ پرانی دشمنی بتائی جاتی ہے۔ لاکھڑا پولیس فرار ہونے والے ملزمان کے تعاقب میں ہے۔ایس ایچ او لاکھڑا محمد رفیق سومرو کے مطابق ملزمان کو جلد گرفتار کیا جائے گا۔
