جعلی مینڈیٹ عوام کے نمائندوں نے واپس چھین لیا، مریم نواز

اسلام آباد: مسلم لیگ (ن) کی نائب صدر مریم نواز شریف نے پی ڈی ایم کے امیدوار یوسف رضا گیلانی کی فتح پر خوشی کا اظہار کرتے ہوئے اسے عوام کی فتح قرار دیدیا ہےسماجی رابطوں کی ویب سائٹ ٹویٹر پر جاری بیان میں مریم نواز شریف نے لکھا کہ اللہ تعالی کا شکر ہے کہ جس نے پی ڈی ایم کو فتح دی جعلی مینڈیٹ عوام کے نمائندوں نے واپس چھین لیا ہے۔
مریم نواز شریف کا کہنا تھا کہ اپنے ہی لوگوں نے دباؤ کے باوجود آٹا چور، چینی چور، بجلی چور، ووٹ چور عوام کے مجرم عمران خان کو ووٹ دینے سے انکار کر دیا۔ تمھارے پاس اب وزیراعظم ہاؤس پر قابض رہنے کا کوئی جواز نہیں ہے۔ ووٹ چور کرسی چھوڑان کا کہنا تھا کہ یوسف رضا گیلانی صاحب کو دلی مبارکباد، پی ڈی ایم کو بھی مبارکباد، مسلم لیگ ن کے ممبران قومی اسمبلی کو بھی مبارکباد اور شاباش نواز شریف کے فیصلے اور بیانیے کا مان رکھا اور جھکنے اور بکنے سے انکار کر دیا۔ شاباش مسلم لیگ ن ! مستقبل آپ کا ہے انشاء اللہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے