اوتھل، دھند کے باعث مسافر بس اور ٹرک میں تصادم،12مسافر شدید زخمی

اوتھل : اوتھل میں دھند کے باعث مسافر بس ٹرک اور ٹرک میں تصادم،12مسافر شدید زخمی،زخمیوں کو ابتدائی طبی امداد کے بعد کراچی منتقل کردیا گیا،تفصیلات کے مطابق بدھ کی صبح لسبیلہ کے صدر مقام اوتھل سے کراچی جانے والی الواہاب مسافر بس دھند کے باعث زیروپوائنٹ کے مقام پر مخالف سمت سے آنے والے ٹرک سے ٹکرا گئی جس کے نتیجے میں مسافر بس میں سوار 12مسافر شدید زخمی ہوگئے زخمیوں میں خواتین اور بچے بھی شامل ہیں واقعے کی اطلاع ملتے ہی ایدھی کی ایمبولنسز موقع پر پہنچ گئیں اور فوری طورپر زخمیوں کو ڈسٹرکٹ ہیڈکوارٹر ہسپتال اوتھل منتقل کردیا جہاں پر ابتدائی طبی امداد کے بعد زخمیوں کو کراچی منتقل کردیا گیا زخمیوں میں سے تین مسافروں کی حالت نازک بتائی جاتی ہے اور تمام زخمیوں کو تعلق اوتھل سے بتایا جارہاہے اوتھل پولیس نے واقعے کا مقدمہ درج کرکے مزید تفتیش شروع کردی۔