مسلم لیگ ن کے رہنما عطا تارڑ کو ڈسکہ سے گرفتار

ڈسکہ: پولیس نے مسلم لیگ (ن) کے اہم رہنما عطا تارڑ کو ڈسکہ سے گرفتار کر لیا ہے۔
ن لیگ کی ترجمان مریم اورنگزیب نے عطا تارڑ کی گرفتاری کی تصدیق کی ہے تاہم ان کی گرفتاری کیوں عمل میں آئی اس بارے میں ابھی تک کوئی معلومات نہیں ہیں۔
لیگی رہنما عظمیٰ بخاری کا دنیا نیوز سے خصوصی گفتگو کرتے ہوئے کہنا تھا کہ عطا تارڑ کو وزیر آباد سے گرفتار کرکے سٹٰی پولیس سٹیشن منتقل کر دیا گیا ہے۔
انہوں نے دعویٰ کیا کہ عطا تارڑ پر کسی قسم کا کوئی مقدمہ درج نہیں تھا۔ ہمارے لوگوں کو حکومت کی جانب سے ہراساں کرنے کی کوشش کی جا رہی ہے۔جب الیکشن میں شکست نظر آ رہی ہو تو اسی طرح کے ہتھکنڈے استعمال کئے جاتے ہیں۔
پولیس کی جانب سے عطا تارڑ کو گرفتار تو کر لیا گیا ہے لیکن انھیں اس کی وجہ نہیں بتائی ہے۔ مسلم لیگ (ن) کی جانب سے اس اقدام پر شدید غم و غصے کا اظہار کیا جا رہا ہے۔