سبی میں بارودی سرنگ کا دھماکہ خاتون جاں بحق دو بچیاں زخمی
کوئٹہ :ضلع سبی کے علاقے میں بارودی سرنگ کا دھماکہ خاتون جاں بحق دو بچیاں زخمی، لیویز حکام کے مطابق اتوار کو سبی کی تحصیل لہڑی میں بختیار آباد کے علاقے گوڑی میں بارودی سرنگ کے دھماکے میں کنول خاتون دو بچیوں سمیت زخمی ہوگئی جنہیں فوری طبی امداد کے لئے کوئٹہ روانہ کردیا گیا تاہم وہ راستے میں زخموں کی تاب نہ لاتے ہوئے چل بسی جبکہ دو بچیوں عزیزاں، شریفاں کو ہسپتال منتقل کردیا گیا جہاں انکی حالت خطرے سے باہر بتائی جارہی ہے مزیدکاروائی جاری ہے
