گلوکاربلال سعید کا خاتون پر تشدد، ویڈیو وائرل

لاہور: گلوکار بلال سعید ایک اور تنازع میں گھر گئے اور ان کی جانب سے ایک خاتون پر تشدد کی ویڈیو وائرل ہوگئی ہےویڈیو میں دیکھا جاسکتا ہے کہ لاہور کے علاقے تھانہ سندر کی حدود میں سنگر بلال سعید ایک نوجوان جوڑے کے ساتھ مار پیٹ کرنے کی کوشش کررہے ہیں اور اس موقع پر پولیس بھی موجود ہے جو بیچ بچاؤ کرانے کی کوشش کررہی ہےترجمان پولیس نے تصدیق کی ہے کہ گلوکار بلال سعید کی وائر ہونے والی ویڈیو میں جس لڑکے اور لڑکی پر تشدد کر رہے ہیں وہ ان کے بھائی اور بھابھی ہیں۔

ڈولفن پولیس ترجمان کا کہنا ہے کہ 8جنوری کو رضا سعید کی جانب سے 15 پر کال موصول ہوئی کہ اسکی بیوی پر بلال سعید نے تشدد کیا ہے ڈولفن ٹیم نمبر 110 15 کی کال موصول ہونے کے بعد موقعے پر پہنچی۔پولیس کی موجودگی میں سنگر بلال سعید نے گھر سے نکل کر اپنے بھائی کو تھپڑ دے مارا بلال سعید نے اپنے بھائی رضا سعید اور اپنی بھابھی سے جھگڑا کیا۔