کراچی طیارہ حادثے میں ملنے والے 3 کروڑ روپے کا حق دار نہ مل سکا

کراچی: حادثے کا شکار ہونے والے پی آئی اے کے طیارے سے ملنے والی3 کروڑ روپے سے زائد کرنسی کے اصل حق دارکا سراغ نہ لگ سکاکراچی ائرپورٹ کے قریب جناح گارڈن پر گر کر تباہ ہونے والے طیارے سے ملنے والی رقم کے حوالے سے سامنے آنے والے 3 دعوے داروں کا دعوی غلط ثابت ہونے پررقم سرکاری خزانے میں جمع کرانے کا فیصلہ کیا گیا ہے رقم کے تین دعوے دار سامنے آئے مگر اصل رقم بتانے میں ناکام رہےعملے کی ملی بھگت سے رقم کے اعداد و شمارحاصل کرنے کے بعد یہ دعوے دار دوبارہ نمودار ہوئے۔

حادثے کی شکار پرواز8303 کے ملبے سے رقم پر مشتمل سوٹ کیس ملا تھااس سوٹ کیس میں3 کروڑ روپے کے ساتھ جلی ہوئی کرنسی بھی ملی تھی،ترجمان پی آئی اے کے مطابق رقم اصل مالکان کومنتقلی کے لیے درکار سرٹیفکیٹ طلب کرنے پر دعویدارفراہم کرنے میں ناکام رہےجعلی دعووں کے باعث رقم سرکاری خزانے میں جمع کرائی جائے گی۔