نئی دہلی میں اسرائیلی سفارت خانے کے قریب دھماکہ
بھارتی دارالحکومت نئی دہلی میں اسرائیلی سفارت خانے کے قریب دھماکہ ہوا ہے۔
بھارتی میڈیا کے مطابق دھماکے کی نوعیت کا تعین کیا جا رہا ہے۔ ابتدائی رپورٹ کے مطابق دھماکے سے سفارت خانے کے قریب کی عمارتوں اور گاڑیوں کے شیشے ٹوٹ گئے۔
دھماکے میں کسی شخص کے زخمی یا ہلاکت کی تصدیق نہیں ہوئی ہے۔ دوسری جانب پولیس نے علاقے کو گھیرے میں لے کر تحقیقات شروع کر دی ہیں۔
