پاکستانی سرحد کے قریب بھارتی جنگی طیارہ گرکر تباہ
راجستھان:راجستھان کے علاقے سورت گڑھ میں دوران پرواز آگ لگ گئی تھی جس کے بعد طیارہ زمین پر آگرا بھارتی فضائیہ کا مگ 21 طیارہ ریاست راجستھان کے سرحدی علاقے سورت گڑھ میں گر کر تباہ ہوگیا۔
رپورٹس کے مطابق بھارتی فضائیہ کے مگ 21 طیارے میں سورت گڑھ ائیربیس سے پرواز کے کچھ ہی دیر بعد آگ لگ گئی تھی جس کے بعد طیارہ زمین پر آگرا۔
طیارے گرنے کے واقعے میں کوئی جانی نقصان نہیں ہوا اور حادثے سے قبل ہی پائلٹ نے محفوظ طریقے سے جہاز سے چھلانگ لگالی تھی۔
رپورٹس کے مطابق یہ واقعہ منگل کی شام پیش آیا جہاں مگ 21 طیارے کے اڑان بھرتے ہی انجن میں آگ لگ گئی۔بھارتی فضائیہ کے مطابق حادثے کی وجوہات کے تعین کیلئے کورٹ آف انکوائری تشکیل دے دی گئی ہے۔
