24 گھنٹوں میں کورونا سے 62 مریض جاں بحق 1792 افراد میں کورونا کی تشخیص
اسلام آباد:نیشنل کمانڈ اینڈ آپریشن سینٹر کے مطابق گزشتہ 24 گھنٹوں کے دوران کورونا کے 34 ہزار 772 ٹیسٹ کئے گئے جس کے بعد اب کوویڈ 19 ٹیسٹس کی مجموعی تعداد 63 لاکھ 36 ہزار 113 ہوگئی ہے۔
1792 افراد کورونا کا شکار
این سی او سی کے مطابق ملک میں کورونا کی مریضوں کی سب سے زیادہ تشخیص سندھ میں ہوئی ہے جہاں مصدقہ مریضوں کی تعداد سندھ میں 2 لاکھ 4 ہزار 840 ہے، پنجاب میں ایک لاکھ 31 ہزار 933، خیبرپختونخوا میں 55 ہزار 183، بلوچستان میں 17 ہزار 926 ، اسلام آباد میں 36 ہزار 257، گلگت بلتستان میں 4 ہزار 827 کیسز جب کہ آزاد کشمیر میں کورونا مریضوں کی تعداد 8 ہزار 2 ہوگئی ہے
گزشتہ 24 گھنٹوں کے دوران ملک بھر میں مزید 1792 افراد میں کورونا کی تشخیص ہوئی ہے جب کہ 62 مریض زندگی کی بازی ہار گئے ہیں۔
سرکاری اعداد و شمار کے مطابق ملک بھر میں مزید 1792 افراد میں کورونا کی تشخیص ہوئی ہے جس کے بعد ملک میں مصدقہ مریضوں کی تعداد 4 لاکھ 98 ہزار 968 ہوگئی ہے۔
این سی او سی کے مطابق کورونا کے سبب سب سے زیادہ اموات پنجاب میں ہوئی ہیں جہاں 3 ہزار 638 افراد جان کی بازی ہار چکے ہیں، بلوچستان میں 179 اور آزاد کشمیر میں 206 سندھ میں 3 ہزار 333، خیبر پختونخوا میں ایک ہزار 546، اسلام آباد میں 391، گلگت بلتستان میں 99، افراد اس وائرس کے ہاتھوں جاں بحق ہوچکے ہیں۔
نیشنل کمانڈ اینڈ آپریشن سینٹر کے مطابق گزشتہ 24 گھنٹوں میں ایک ہزار 680 افراد نے کورونا کو شکست دے دی ہے جس کے بعد اس وبا سے صحتیاب مریضوں کی تعداد 4 لاکھ 9 ہزار 85 ہوگئی ہے۔
اس وقت ملک بھر میں کورونا کے فعال مریضوں کی تعداد 40491 ہے۔ جن میں سے 2 ہزار 403 کی حالت تشویشناک ہے۔
