شیخوپورہ: جعفر ایکسپریس کی زد میں آ کر 2 نوجوان جاں بحق
شیخوپورہ: پنجاب کے شہر شیخو پورہ میں ریلوے پل فیروز والا پر 2 افراد ٹرین کی زد میں آ کر جاں بحق ہو گئے، جن کی لاشوں کو اسپتال منتقل کر دیا گیا ہے۔
شیخو پورہ پولیس کے مطابق جاں بحق ہونے والے دونوں نوجوان ریلوے لائن کراس کر رہے تھےکہ جعفر ایکسپریس کی زد میں آ گئے اور فوری طور پر جاں بحق ہو گئے۔
پولیس نے جاں بحق ہونے والے نوجوان کے نام گوہر قدیر اور مظہر فرید بتائے ہیں، یہ دونوں نوجوان پاکپتن کے رہائشی تھے۔
حادثے کا سبب بننے والی ٹرین کے ڈرائیور کے مطابق جعفر ایکسپریس کوئٹہ سے براستہ لاہور پشاور جا رہی تھی کہ شیخو پورہ میں یہ حادثہ پیش آ گیا۔
