کوئٹہ میں کم سے کم درجہ حرارت منفی5 ریکارڈ،سردی کی شدت میں اضافہ

کوئٹہ :بلوچستان کے بیشتر علاقوں میں موسم شدید سرد اور خشک ہے، وادی کوئٹہ میں کم سے کم درجہ حرارت منفی5 اور قلات میں منفی 6ڈگری سینٹی گریڈ ریکارڈ کیا گیا۔

محکمہ موسمیات کے مطابق وادی کوئٹہ اور گردونواح میں مطلع صاف ہونے کے ساتھ موسم شدید سرد اور خشک ہے اسی طرح صوبے کے دیگر شمالی اور شمال مشرقی اضلاع میں بھی موسم سرد اور خشک ہے۔

ژوب میں درجہ حرارت منفی5، دالبندین میں منفی1، پنجگور میں 1، سبی اور خضدار میں 2، لسبیلہ میں 7، گوادر میں 9، تربت میں 10 ڈگری سینٹی گریڈ ریکارڈ کیا گیا۔

آئندہ چوبیس گھنٹوں کے دوران صوبے کےبیشتر اضلاع میں موسم سرد اور خشک جبکہ شمالی علاقوں میں شدید سرد رہنے کا امکان ہے۔