ایبٹ آباد میں مسافر جیپ کھائی میں گرگئی، 6 افراد جاں بحق

ایبٹ آباد :ایبٹ آباد کے علاقے باغ بانڈی روڈ پر مسافر جیپ کھائی میں گرنے سے خواتین اور بچے سمیت 6 افراد جاں بحق ہوگئے۔پولیس کے مطابق مسافر جیب میں متعدد افراد سوار تھےکہ باغ بانڈی روڈ پر جیب توازن کھوبیٹھی اور کھائی میں جاگری۔

پولیس نے بتایا کہ جیپ کھائی میں گرنے سے 6 افراد جاں بحق ہوئے جن میں 5 خواتین اور ایک بچہ شامل ہے۔پولیس کے مطابق واقعے میں متعدد افراد زخمی بھی ہوئے ہیں جنہیں اسپتال منتقل کردیا گیا جبکہ علاقے میں امدادی کارروائیاں جاری ہیں۔