حکومت نے پیٹرولیم مصنوعات کی قیمتوں میں اضافہ کر دیا

اسلام آباد: حکومت نے پیٹرولیم مصنوعات کی قیمتوں میں اگلے 15 روز کے لیے اضافہ کر دیا ہے۔وزارت خزانہ نے قیمتوں میں اضافے کا اعلامیہ جاری کر دیا ہے جس کے مطابق پیٹرول کی قیمت 2 روپے فی لیٹراضافے سے 103 روپے 69 پیسے ہو گئی ہے۔

نوٹی فکیشن کے مطابق لائٹ ڈیزل کی قیمت 67 روپے86 پیسے، ہائی اسپیڈ ڈیزل کی قیمت 108 روپے 44 پیسے جب کہ کیروسین آئل کی قیمت 70 روپے 29 پیسے مقرر کی گئی ہے۔اعلامیے کے مطابق نئی قیمتوں کا اطلاق آج رات 12 بجے سے ہو گا۔