اسلام آباد ہائیکورٹ : نواز شریف کو اشتہاری قرار دینے کا فیصلہ جاری

اسلام آباد: اسلام آباد ہائیکورٹ نے العزیزیہ اور ایون فیلڈ ریفرنسز میں نواز شریف کو اشتہاری قرار دینے کا فیصلہ جاری کر دیا، عدالت نے نواز شریف کی اپیلوں پر 3 صفحات پر مشتمل تحریری فیصلہ جاری کیا۔

عدالتی فیصلے میں کہا گیا ہے کہ سابق وزیراعظم کو عدالت پیش ہونے کا بار بار موقع دیا گیا مگر وہ نوٹسز، وارنٹ گرفتاری اور اشتہارات کے باوجود پیش نہ ہوئے لہذا سابق وزیراعظم کو العزیزیہ اور ایون فیلڈ ریفرنسز میں اشتہاری قرار دیا جاتا ہے۔
اسلام آباد ہائیکورٹ نے نواز شریف کے ایون فیلڈ اور العزیزیہ ریفرنس کیس میں ضامنوں کو شو کاز نوٹس جاری کئے ہیں اور انہیں آئندہ سماعت پر پیش ہونے کا حکم دیا ہے۔ فیصلے میں مزید کہا گیا ہے کہ نواز شریف کے خلاف 87 سی آر پی سی کے تحت کارروائی مکمل ہے ۔