وزیراعظم پاکستان کا اہم اقدام کورونا سے بچاؤ کی ویکسین کے لئے ایڈوانس بکنگ کی منظوری دے دی
اسلام آباد: کورونا سے بچاؤ کی ویکسین کے لئے پاکستان نے ایڈوانس بکنگ کا فیصلہ کر لیا، وزیراعظم عمران خان نے منظوری دے دی۔
وزارت قومی صحت کی پارلیمانی سیکرٹری ڈاکٹر نوشین حامد نے تصدیق کرتے ہوئے کہا کہ کورونا ویکسین کی ایڈوانس بکنگ کیلئے عالمی سطح پر رابطے جاری ہیں، ایڈوانس بکنگ کیلئے دو ویکسین ساز اداروں سے رابطے ہو چکے ہیں،
انہوں نے کہاکہ حکومت متوقع ویکسین کی ملک میں بروقت دستیابی کیلئے اقدامات کر رہی ہے
امید ہے پاکستان کورونا ویکسین کی ایڈوانس بکنگ میں کامیاب ہو گا۔
وزارت صحت نے ایک کروڑ شہریوں کیلئے کورونا ویکسین کی بکنگ کیلئے 100 ملین ڈالر مختص کرنے کی تجویز دی تھی۔ پہلے فیز میں ہیلتھ ورکرزاور ضعیف شہریوں کو ترجیحی بنیادوں پر ویسین کی فراہمی زیر غور ہے ۔
