ملک میں مارشل لاء کانفاذ ہے،مولانا فضل الرحمان

اسلام آباد:جمعیت علما اسلام پاکستان کے مرکزی امیر سربراہ پی ڈی ایم مولانا فضل الرحمان نے کہا ہے کہ عوام کی رائے کے بغیر بندکمروں میں ہونے والے فیصلوں نے ملک کو معاشی اور نظریاتی طور پر کمزور کیا حقیقی جمہوریت پاکستان کی ضرورت ہے آج بھی ملک میں مارشلا کانفاذ ہے ان خیالات کا اظہار انہوں نے جمعیت علما اسلام ضلع کوئٹہ کے امیر مولانا عبد الرحمن رفیق سنئیر نائب امیر مولانا خورشید احمد مفتی محمد روزی خان جنرل سیکریٹری حاجی بشیر احمد کاکڑ پر مشتمل وفد سے بات چیت کے دوران کیا انہوں نے کہا کہ ملک کے استحکام اور بچاو کا تقاضا ہے کہ کٹھ پتلی حکمران وقت سے پہلے استعفی دے کر چلے جائیں پی ڈی ایم کے زیر اہتمام 22نومبر کوپشاور میں ہونے والا جلسہ عام دیگر جلسوں کی طرح پاکستانی قوم کی آواز ثابت ہوگا کٹھ پتلی حکومت کے خلاف جاری تحریک کے سلسلے میں جمعیت علما اسلام کے کارکنوں کی محنت اور جدوجہد رائیگاں نہیں جائیں گی۔