ڈپٹی کمشنر خضدار کا سردار بہادر خان وومن یونیورسٹی کیمپس خضدار کا دورہ
خضدار:خضدار ڈپٹی کمشنر ولی محمد بڑیچ نے آج سردار بہادر خان وومن یونیورسٹی کیمپس خضدار اور گورنمنٹ گرلز ایلیمنٹری کالج خضدار کا دورہ کیا۔
ڈپٹی کمشنر کو ڈائریکٹر سردار بہادر خان وومن یونیورسٹی کے کیمپس مسٹر مظفر لانگو اور میڈیم شریفہ نے اپنے اپنے اداروں کے حوالے سے متعلق مکمل بریفنگ دی ۔
بریفنگ میں دونوں سربراہاں نے سردار بہادر خان وومن یونیورسٹی کے کیمپس خضدار اور ایلیمنٹری گرلز کالج خضدار کی کارکردگی بیان کئے اورساتھ ساتھ مسائل بھی بتائے۔
ڈپٹی کمشنر ولی محمد بڑیچ نے دونوں اداروں کی کارکردگی کو سراہا اور اپنی طرف سے ہر ممکن تعاون کا یقین دلایا۔ ڈپٹی کمشنر کو مختلف کلاس رومز اور سیکشنز کا بھی دور کرایا گیا۔ڈپٹی کمشنر خضدار ولی محمد بڑیچ اسٹوڈنٹس سے ملے اور ان کو تعلیم کی افادیت اور ان کو سخت محنت کرنے کی ترغیب دی۔
