حضرت محمدمصطفیٰ ﷺ سے زیادہ کامیاب ترین انسان کوئی نہیں ” وزیراعظم

اسلام آباد میں قومی رحمت العالمینﷺ کانفرنس سے خطاب کرتے ہوئے وزیراعظم نے کہا کہ اللہ تعالیٰ نے ہمارے فائدے کیلئے سیرت النبی ﷺ پر چلنے کا حکم دیا۔ مغرب میں بھی رسول کریمﷺپرکتابیں لکھی گئیں۔ آنحضرت ﷺ کی زندگی کا مطالعہ کرنے سے انکی عظمت کا اندازہ لگایا جاسکتا ہے۔

وزیراعظم عمران خان آنحضرت ﷺ کی زندگی کا ہر پہلو انقلاب تھا۔ اقوام متحدہ کا چارٹر بھی سیرت النبی ﷺ سے ملتا ہے۔ ساتویں، آٹھویں اور نویں جماعت کے بچوں کو سیرت النبی ﷺ پڑھائیں گے۔

وزیراعظم نے کہا کہ حضرت محمدمصطفیٰ ﷺ سے زیادہ کامیاب ترین انسان کوئی نہیں۔ لوگ محمد ﷺ کو دیکھ دیکھ کر لوگ لیڈر بن گئے۔ حضرت محمد مصطفیٰ ﷺ کا مطالعہ کرنے سے زندگی میں تبدیلی آئے گی۔

وزیراعظم عمران خان نے کہا کہ ہم نے آگے کا نہیں سوچا اس لیے دنیا وی مسائل میں پھنسے ہوئے ہیں۔ آنے والی نسلوں کے بارے میں نہ سوچنے سے موسمیاتی تبدیلی کا سامنا ہے۔ ہمارے خطے میں گلوبل وارمنگ کے بہت برے اثرات ہیں۔ صورتحال پر قابو نہ پایا تو ہمارے دریاوَں میں پانی کم ہوجائے گا۔