نواز شریف بیماری کا بہانہ بنا کر بیرون ملک بھاگ گئے، شیخ رشید

لاہور: وفاقی وزیر ریلوے شیخ رشید نے نیوز کانفرنس کرتے ہوئے کہا کہ اپوزیشن سے 50 سوال کیے ایک بھی جواب نہیں آیا، نواز شریف بیماری کا بہانہ بنا کر بیرون ملک بھاگ گئے، ایک سال ہوگیا نواز شریف ہسپتال گئے نہ ہی علاج کرایا،نواز شریف کبھی واپس نہیں آئیں گے۔

شیخ رشید کا کہنا تھا پاکستان کو عدم استحکام سے دوچار کرنے کی سازش ہو رہی ہے، امن و استحکام میں افواج پاکستان کا اہم کردار ہے، پاک فوج کیخلاف بیرونی طاقتیں سازشوں میں مصروف ہیں، پاک فوج جمہوری حکومت کے پیچھے کھڑی ہے۔

انہوں نے کہا مولانافضل الرحمان مذہب کارڈ استعمال کر رہے ہیں، پیپلزپارٹی والے استعفے دے کر کیا کریں گے، آئندہ سندھ بھی نہیں ملے گا، مولانا فضل الرحمان کی 9 سیٹیں ہیں، ان کا کچھ نہیں جانا

شیخ رشید نے کہا ہے کہ ملک میں کورونا پھیلنے اور دہشتگردی کا خدشہ ہے، عمران خان نے اپوزیشن کو جواب دے دیا، این آر او نہیں دیا جائے گا، 31 دسمبر سے 20 فروری اہم ہے، نتیجہ نکل آئے گا۔ انہوں نےکہا امریکی جریدے نے بھارت کو دہشتگردی پھیلانے کا ذمہ دار قرار دیا