دشت،الٹو کار اور ٹینکر میں تصادم،3 افراد جاں بحق ،2 زخمی

کوئٹہ :کوئٹہ کے نواحی علاقے دشت میں خوفناک ٹریفک حادثہ، 3افراد جاں بحق جبکہ 2زخمی ہوگئے ہیں۔ریسکیو ذرائع کے مطابق بدھ کو کوئٹہ کے نواحی علاقے دشت میں الٹو کار اور ٹینکر کے درمیان خوفناک تصادم ہوا جس کے نتیجے میں 3افراد موقع پر جاں بحق جبکہ 2زخمی ہوگئے ہیں جنہیں فوری طور پر سول ہسپتال منتقل کردیا گیا ہے جہاں نعشوں کو ضابطے کی کارروائی کے بعد ورثاء کے حوالے کردیا گیا جبکہ زخمیوں کو طبی امداد دی جارہی ہے، حادثے میں ہلاک ہونے والوں کا تعلق ضلع بولان سے بتایا جارہا ہے۔ اس سلسلے میں مزید کارروائی انتظامیہ کررہی ہے۔