عمران خان سے حب الوطنی کے سرٹیفیکٹ کی ضرورت نہیں : عظمیٰ بخاری

لاہور: مسلم لیگ ن کی رہنما عظمیٰ بخاری نے کہا ہے کہ ہمیں عمران خان سے حب الوطنی کے سرٹیفیکٹ کی ضرورت نہیں ہے۔

میڈیا سے گفتگو کے دوران ان کا کہنا تھا کہ غداری کے مقدمات ہمارے لیے میڈلز ہیں۔ حکومت نے اپنا آخری کارڈ کھیل لیا، اب ہماری باری ہے۔
ان کا کہنا تھا کہ ابھی تو ہماری تحریک کا باضابطہ طور پر آغاز بھی نہیں ہوا اور حکومت کی چیخیں سنائی دینے لگی ہیں۔

ن لیگی رہنما نے کہا کہ حکمران اپنے بنکروں سے نکلیں اور مہنگائی کے مارے عوام کی خبر لیں۔