سیاسی مقابلہ کرنا ہے تو سیاسی میدان میں آوَ، شاہد خاقان عباسی

اسلام آباد: سابق وزیر اعظم اور مسلم لیگ ن کے رہنما شاہد خاقان عباسی نے میڈیا سے گفتگو کرتے ہوئے کہا کہ ملکی سیاسی تاریخ میں ایک اور بدنما باب کا اضافہ ہو گیا۔ آج تہجد کے وقت ہمارے خلاف مقدمہ درج کیا گیا اور مقدمہ درج کرنے والے بدر رشید نامی شخص کا کوئی عہدہ نہیں ہے۔

شاہد خاقان عباسی نے کہا کہ جو گزشتہ ادوار میں حکمران رہے ہیں وہ آج غدار ہو گئے۔ اگر آئین کی بات کرنا بغاوت ہے تو ہر روز یہ بغاوت ہو گی۔ اگر بے روزگاری، معیشت اور سی پیک کی بندش پر بات کرنا بغاوت ہے تو یہ بغاوت ہرروز ہو گی۔

مسلم لیگ ن کے رہنما شاہد خاقان عباسی نے کہا ہے کہ اگر آئین کی بات کرنا بغاوت ہے تو یہ بغاوت ہر روز ہو گی۔

انہوں نے کہا کہ نواز شریف کے خلاف قائم کردہ مقدمے میں سابق وزیر خزانہ، سابق گورنر اور 16 سے زائد سابقہ وزرا کو نامزد کیا گیا۔

انہوں نے کہا کہ سیاسی مقابلہ کرنا ہے تو سیاسی میدان میں آوَ، مسئلہ ابھی شروع ہی نہیں ہوا کہ بغاوت بغاوت کہنا شروع ہو گئے۔