سماجی فاصلے پرعملدرآمد نہ ہونے سے کورونا دوبارہ پھیل رہا ہے :اسد عمر

اسلام آباد:وفاقی وزیراسد عمر کی زیرصدارت نیشنل کمانڈ اینڈ آپریشن سینٹر (این سی او سی) کا اجلاس ہوا۔ جس میں این سی اوسی کو ملک بھر میں کورونا کے پھیلاوَ سے متعلق آگاہ کیا گیا۔

اجلاس کو دی گئی بریفنگ میں کہا گیا کہ سماجی فاصلے پرعملدرآمد نہ ہونے سے کورونا دوبارہ پھیل رہا ہے۔

اس موقع پر وفاقی وزیر اسد عمر نے کہا کہ بیماریوں کے پھیلاؤ کو روکنے کے لیے اقدامات انتہائی ضروری ہیں اور ماسک کا استعمال کورونا کے پھیلاؤ کو روکنے میں سب سے اہم ہے۔

وفاقی وزیر اسد عمر نے کہا ہے کہ شادی ہالز اور ریسٹورنٹس کورونا کے پھیلاؤ کے بڑے مرکز بن رہے ہیں۔

انہوں نے کہا کہ کورونا ایس او پیز پرعملدرآمد کرنے سے موسم سرما میں کورونا کے پھیلاؤ کو روکا جا سکتا ہے۔ شادی ہالز اور ریسٹورنٹس کورونا کے پھیلاؤ کے بڑے مرکز بن رہے ہیں۔

این سی او سی کی جانب سے کورونا ایس او پیز پرعملدآرمد کرنے پر تعلیمی اداروں کی تعریف کی گئی۔

یاد رہے کہ آج بھی پاکستان میں کورونا وائرس کی وجہ سے چار افراد موت کے منہ میں چلے گئے۔

نیشنل کمانڈ اینڈ آپریشن سینٹر کے مطابق ملک بھر میں کورونا کے644نئےکیسزرپورٹ ہوئے اور متاثرہ افراد کی مجموعی تعداد3 لاکھ15ہزار260 تک پہنچ گئی ہے۔

گزشتہ 24 گھنٹے کے دوران 375 کورونا مریض صحت یاب ہوئے اورشفایاب افراد کی مجموعی تعداد2 لاکھ 98 ہزار 968 ہوگئی۔ ملک بھر میں کورونا ایکٹیو کیسز کی تعداد 9ہزار135 ہے۔

بلوچستان میں 15 ہزار 371، گلگت بلتستان میں 3 ہزار 828 کیسز رپورٹ ہوئے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے