بھارتی اداکارہ ڈمپل کپاڈیہ بھی عابدہ پروین کے کلام کی دیوانی

اسلام آباد:بالی ووڈ کی اداکارہ ڈمپل کپاڈیہ بھی عابدہ پروین کی دیوانی ہوگئیں۔تفصیلات کے مطابق ماضی کی نامور بھارتی اداکارہ ڈمپل کپاڈیا نے عابدہ پروین کی آواز میں گایا کلام ’یہ سب تمہارا کرم ہے آقا‘ کو بہترین کلام قرار دے دیا۔اداکارہ ڈمپل کپاڈیہ نے کہا کہ اس جملے میں اُن کی کُل زندگی کو سمایا جاسکتا ہے۔

انٹرویو میں ڈمپل کپاڈیہ نے عالمی شہرت یافتہ پاکستانی صوفی گلوکارہ عابدہ پروین کی تعریف کرتے ہوئے کہا کہ انہیں عابدہ پروین کی آواز میں گایا گیا کلام ’یہ سب تمہارا کرم ہے آقا‘ بہت پسند ہے۔انہوں نے یہ بھی کہا کہ جب بھی وہ یہ کلام سنتی ہیں تو ان پر وجد طاری ہوجاتا ہے۔

دوسری جناب اداکارہ ڈمپل کپاڈیہ نے برطانوی نشریاتی ادارے کو انٹرویو دیتے ہوئے انہوں نے ہالی ووڈ فلم ٹینٹ میں کام اور تجربے کے حوالے سے بات چیت کی۔

اداکارہ ڈمپل کپاڈیہ نے کہا کہ اس فلم میں اداکاری کے جوہر دکھانے سے اُن کے بہت سے خوابوں کو تعبیر ملی۔انہوں نے بتایا کہ ’فلم ٹینٹ کے لیے انہیں آڈیشن دینے کے لیے ایک کال موصول ہوئی، جس کے بعد انہوں نے آڈیشن دیا اور آخر کار منتخب ہوگئیں۔