اداکارہ نادیہ جمیل پاکستانی ڈراما اسکرپٹس پر برہم

کراچی:پاکستان کی معروف اداکارہ و سماجی کارکن ڈراما اسکرپٹس پر برہم ہو گئیں۔تفصیلات کے مطابق نادیہ جمیل نے حالیہ دور کے پاکستانی ڈراموں کے اسکرپٹس پر برہمی کا اظہار کیا ہے۔

نادیہ جمیل نے فوٹو اینڈ ویڈیو شیئرنگ ایپ انسٹاگرام پر ایک ایسے کارٹون ایموجی کی تصویر پوسٹ کی جو حالات کے پیش نظر تنگ نظر آرہا ہے۔

نادیہ جمیل کی جانب سے کی جانے والی پوسٹ کی کیمشن میں اداکارہ نے ڈراما انڈسٹری کے مواد پر شدید برہمی کا اظہار کرتے ہوئے اپنے خیالات کا اظہار بھی کیا۔

اداکارہ نے لکھا کہ ’پاکستانی ڈراموں میں دکھایا جاتا ہے کہ عورت پر گھریلو تشدد کیا جارہا ہے لیکن وہ پھر بھی مرد کے ساتھ رہنے کے لیے بے تاب ہے۔‘

دوسری جانب نادیہ جمیل نے سوالیہ انداز میں لکھا کہ آخر اس طرح کی کہانیاں معاشرے کو کیا مثبت پیغام پیش کرتی ہیں؟

اداکارہ نے شدید غصے کے انداز میں لکھا کہ ہمارے ڈراموں میں دکھایا جاتا ہے کہ عورت اُس مرد کے لیے اپنے آنسو بہا رہی ہے اور اُس کی محبت میں جل رہی ہے جو اُس پر ظلم کر رہا ہے۔

نادیہ جمیل نے لکھا کہ متعدد ڈرامے عورت کو ایک شکاری دِکھانا چاہتے ہیں اور اُن ڈراموں کے ہیرو ہیں۔

اداکارہ نے مزید لکھا کہ عورت شکاری نہیں ہے بلکہ اللّہ تعالیٰ کی مخلوق ہے اور الحمداللّہ ہمارے رب نے عورت کو احترام اور عزت کا مقام دیا ہے۔

خیال رہے اداکارہ نادیہ جمیل نے پوسٹ کی اختتم میں سوالیہ اندازا میں لکھا کہ کیا ہم ٹی وی پر بھی عورت کو وہی عزت اور احترام دے سکتے ہیں؟

یاد رہے کہ نادیہ جمیل ایک سماجی کارکن ہونے کی حیثیت سے سوشل میڈیا پلیٹ فارمز پر ظلم کے خلاف اپنی آواز بُلند کرتی نظر آتی ہیں۔

واضح رہے کہ اُنہوں نے اپنی پوسٹ کے کیپشن میں ہیش ٹیگ SayNoAbuse ،WomenEmpowerment اور DomesticViolence بھی استعمال کیے۔